Loitemos contra o Coronavirus!

Moi boas a tod@s! Tras o parón repentino e con moita enerxía, xa estamos de volta...

O coronavirus fíxonos ter que facer un descanso nas nosas tardes de Luditarde pero atopamos a maneira de non separarnos do todo e, ademais, axudar a pelexar para derrotar ao virus. Dende Luditarde propoñémosvos un xogo. Cada semana plantexarémosvos unha serie de retos cos que xunt@s dende casa, poderemos ir facendo fronte a este virus e ao aburrimento... As normas do xogo son ben sinxelas: - O xogo organizarase por coles, no noso caso, representaremos a Luditarde do CEIP Ramón da Sagra. - Cada luns publicarase unha clasificación na que poderemos ver os avances de todos os centros. - O obxectivo é conseguir os suficientes puntos como para derrotar a este virus que nos mantén na casa e desta forma recuperar a normalidade canto antes. - Calquera persoa de Ludi pode participar, se ademais conseguimos que participe alguén que non está neste programa de ocio educativo, conseguiremos 1 punto extra. - Todos os Luns, Mércores e Venres aparecerán novos retos que teremos que superar no prazo que se nos marque nos mesmos... - Para dar un reto como superado, deberedes enviar unha proba de que se fixo correctamente. Cada foto que nos enviedes contará con 1 punto mentres que cada vídeo sumará 10 puntos. As probas da vosa participación deberán ser enviadas ao seguinte correo: ludiramondelasagra@gmail.com

ÁNIMO E XAQUE Ó VIRUS!